شارپرێس:
وەک رێزگرتنێک لە هەوڵی فەرمانبەران و کارمەندانی پەروەردەیی لە پرۆسەی هەڵبژاردندا، پارێزگاری کەرکوک بڕیاریدا دەوامی سبەی پێنجشەممە، لەسەرجەم دامودەزگا فەرمییەکان بکرێتە پشوو.

ئیدارەی پارێزگای کەرکوك بڵاویکردەوە بڕیاردرا سبەینێ پێنجشەممە، دەوامی فەرمی لە سەرجەم فەرمانگە حکومییەکان و قوتابخانەکانی پارێزگاکەدا ڕابگرێت.

ئەوەشیخستەڕوو، ڕێبوار تەها، پارێزگاری کەرکوك، جەختی کردەوە کە بڕیاری پشووەكە بۆ ڕێزگرتنە لە هەوڵی فەرمانبەران و کارمەندانی پەروەردەیی، كە بەوپەڕی دڵسۆزی و لەخۆبردوییەوە کاریان کرد بۆ سەرکەوتنی پڕۆسەی هەڵبژاردن لە پارێزگا ئازیزەکەماندا.

محەمەد سەردار