دەستەکانت زیاترن لە تەنها ئامرازێک بۆ ئەرکەکانی ڕۆژانە؛ دەروازەی وزە و چاکبوونەوەن. لە لەپى دەستەکانتدا چاکراکانی دەست، ناوەندەکانی وزە، جێگیرن. کاتێک چالاک دەبن، ئەمانە دەتوانن هۆشیاری ناوەوە و توانای چاکبوونەوەت بەرز بکەنەوە.
ئایا تائێستا هەستت بە گەرمی لە دەستەکانت کردووە لە کاتی تەرکیزکردنی قووڵدا، یان لەکاتی دەست لێدانی هەندێک شت، کەس، یان شوێنێک؟ ئەمە وزەی چاکراکانی دەستتە. لە کاتێکدا هەندێک لە چارەسەرکەران یان پزیشکانی ڕۆحی بە شێوەیەکی سروشتی پەیوەندییان بەم وزەیە هەیە، هەر کەسێک دەتوانێت چاکراکانی دەستی چالاک بکات و بەهێزی بکات.
کاتێک چاکراکانی دەست چالاک دەبن، ڕێگە بە وزە دەدەن بە ئازادی بڕوات، جا تۆ خۆت یان کەسانی تر چاک دەکەیتەوە، لە ڕووی ڕۆحییەوە پەیوەندییان پێوە دەکەیت، یان تەنها هەست بە دەوروبەرت دەکەیت.
چاکرا چییە؟
چاکراکان ناوەندی وزەن لە جەستەدا کە یارمەتی ڕێکخستنی ڕۆیشتنی هێزی ژیان دەدەن، کە بە پرانا، چی، یان کی ناسراون. دەتوانیت وەک چەرخی سووڕاوەی وزە بیریان لێبکەیتەوە کە کاریگەرییان لەسەر باشی جەستەیی و سۆزداری و ڕۆحیت هەیە.جگە لە حەوت چاکرای سەرەکی بەدرێژایی بڕبڕەی پشت، جەستەت چاکرای بچووکتر لەخۆدەگرێت، لەوانە ئەوانەی لە دەستەکانتدان.
ئەرکەکانی چاکراکانی دەست بریتین لە: ناردن یان وەرگرتنی وزە بۆ خۆت یان کەسانی تر.
هەستکردن بەلەرینەکانی مرۆڤ، شتەکان، یان ژینگە، ئاراستەکردنی مەبەستەکانت بەرەو جیهانی فیزیکی.
چاکراکانی دەست دەتوانن بەهۆی فشار، بیرکردنەوەی نەرێنی، یان بەکارنەهێنانى بلۆک ببن، ئەمەش دەبێتە هۆی هەستکردن بە پچڕانی پەیوەندی لە سەختی ئاراستەکردنی وزە. بۆیە گرنگە فێری چۆنیەتی چالاککردن و پاراستنیان بیت.
چۆنیەتی چالاککردنی چاکراکانی دەستت
چالاککردنی چاکراکانی دەست بریتییە لە هۆشیاری و بینین و جوڵەی وزە. لێرەدا چەند هەنگاوێکی پراکتیکی دەخەینەڕوو:
1. سەرنجت بخەرە سەر دەستەکانت: دەستەکانت بۆ ماوەی ٣٠-٦٠ چرکە لەیەک بخشێنە تا هەست بە گەرمی دەکەیت. پاشان هێواش هێواش جیایان بکەرەوە و هەست بە هەستی نێوانیان بکە- لەوانەیە هەست بە تەزوو، گەرمی، یان تەنانەت ڕاکێشانی موگناتیسی بکەیت. ئەمەش واتە ئەو وزەیەی لە دەستەکانتدایە دەست دەکات بە کاردانەوە.
2. بینینی ڕۆیشتنی وزە: چاوەکانت دابخە و بیهێنە بەرچاوت کە تۆپێکی ڕووناکی درەوشاوە لە نێوان دەستەکانتدا دروست دەبێت. سەیری ئەم وزەیە بکەن کە گەشە دەکات و گەورە دەبێت. دەتوانیت ئەو ڕەنگە هەڵبژێریت کە هەست دەکەیت بۆ تۆ گونجاوە- سپی بۆ پاککردنەوە، ئاڵتونى بۆ چاکبوونەوە، یان شین بۆ ئارامکردنەوە.
3. جوڵاندنى خاڵەکانی پەستان: بە جوڵەیەکی بازنەیی ناوەندی هەر لەپەى دەستێکت بە پەنجەی گەورە مەساج بکە. ئەمەش چاکراکان هان دەدات و هانی ناردنى وزە دەدات.
مەشقی ڕۆژانە:
دەست لێدانی زەینی: گرنگی بە هەستکردن بە دەستەکانت بدە لەکاتی ئەنجامدانی ئەرکەکانی ڕۆژانەدا. هەناسەدان لەگەڵ لەپی دەست: دەستەکانت بخەرە سەر سنگت یان سکت و هەناسە بدە، وێناى وزەکە بکە دەچێتە ناو جەستە و دێتەوە دەر.
ڕاهێنانەکانی بەتاڵکردنەوە: بە پێی پێخاوس لەسەر زەوى بڕۆن، دەست لە زەوی بدەن، یان لە ڕێگەی دەستەکانەوە پەیوەندی بە سروشتەوە بکەن بۆ ئەوەی وزەی وەستاو لە جەستەتان دەربکەن و بەتاڵى بکەنەوە.
وزەی ناوەوە ئازاد بکە
لەپی دەستەکانت کەناڵی وزەن. چالاککردنی چاکراکانی دەستت پراکتیزەیەکی سادەیە و لە هەمان کاتدا قووڵە کە هۆشیاری و تواناکانی چاکبوونەوەت بەهێزتر دەکات. ڕۆژانە چەند خولەکێک بۆ هەستکردن بە وزەی دەستەکانت تەرخان بکە و متمانەیان پێ بکە و بە نیازێکی ڕوون بەکاری بهێنە. بە مەشقی بەردەوام، دەستەکانت دەتوانن وزە و پەیوەندییەکان و ژیانت بگۆڕن.
