شارپرێس:

کەشناسیی هەرێم پێشبینی دەکات لە یەکشەممەوە شەپۆلێکی بارانبارین هەرێمی کوردستان بگرێتەوەو لەچەند ناوچەیەکیش ئەگەری دروستبونی لافاو هەیە، سەرۆکایەتیی شارەوانی هەولێریش رایگەیاند، هەموو تیمەکانیان خستوەتە ئامادەباشییەوە.

سەرۆکایەتیی شارەوانی هەولێر لەڕاگەیەنراوێکدا دەڵێت،" بەهۆی گۆڕانی کەشوهەوا و هاتنی شەپۆلێکی بارانبارین، سەرۆکایەتیی شارەوانیی هەولێر بە هاوئاهەنگی لەگەڵ لایەنە پەیوەندیدارن سەرجەم تیمەکانی دەخاتە ئامادەییەوە".

ئەوشیخستەڕوو،" مەنهۆڵ و رێڕەوەکانی ئاو لەگەڕەکەکانی هەولێر پاکراونەتەوەو چەندین لیژنە و تیمی شارەزا لە تەواوی سنوری سەرۆکایەتیی شارەوانی هەولێر لەنێو گەڕەک و شەقامەکان جێگیر دەکرێن".