شارپرێس:

محەمەد شیاع سودانی لەپەیوەندییەکی تەلەفۆنیدا بە مەسعود پزیشکیانی راگەیاند، ئەو هێرشانەی خاکی عێراق و هەرێمی کوردستان دەکەنە ئامانج پێشێلکارین بەرامبەر ئارامی و سەروەری وڵاتەکە، دەشڵێت، ئەو هێرشانە قبوڵکراو نین و هەوڵەکانی عێراق بۆ راگرتنی ئەو جەنگە ناهێڵێت.

نوسینگەی سەرۆک وەزیرانی عێراق بڵاویکردەوە، ئەمڕۆ چوارشەممە، محەمەد شیاع سودانی زسەرۆک وەزیرانی عێراق پەیوەندییەکی تەلەفۆنی لەگەڵ مەسعود پزیشکیان سەرۆک کۆماری ئێران ئەنجامدا و سەرەخۆشی خۆی بەهۆی کوژرانی عەلی خامنەیی پێڕاگەیاند.

ئەوەشخراوەتەڕوو،" سەرۆک وەزیرانی عێراق بەتوندی هێرشە ستەمکارانەکانی سەر ئێرانی رەتکردوەتەوەو ئامادەیی خۆی بۆ هەوڵدان لەپێناو کۆتاییهێنان بە شەڕ و گەڕانەوە بۆ مێزی گفتوگۆ و دۆزینەوەی چارەسەری ئاشتییانە دەربڕی، لەهەمان کاتدا هێرشەکانی سەر عێراقیشی رەتکردوەتەوە ".

بەپێی راگەیەنراوەکە، محەمەد شیاع سودانی بە مەسعود پزیشیکانی راگەیاندوە،" ئەو هێرشانەی دەکرێنە سەر خاکی عێراق سەروەری و ئارامی عێراق پێشێل دەکەن و قبوڵکراو نین، هەروەها هەوڵەکانی عێراق بپ راگرتنی ئەو جەنگە لەناودەبات ".

سودانی وتوشیەتی، رێگە نادەن هیچ کەس و لایەنێک خاکی عێراق بۆ دەستدرێژیکردنەسەر ئێران بەکاربهێنێت.