شارپرێس:
لەپەرەسەندنێکی مەترسیدارو لەنێوەندی پێکدادانە سەربازییەکاندا، سوپای پاسدارانی ئێران بەفەرمی کوژرانی ژەنەڕاڵ (جەمشید ئیسحاقی) ڕاوێژکاری باڵای سەرۆکی ئەرکانی گشتیی هێزە چەکدارەکانو ژمارەیەک لەئەندامانی خێزانەکەی ڕاگەیاند.
بهگوێرهى بەیاننامە فەرمییەکان، ژەنەڕاڵ ئیسحاقی لەئەنجامی هێرشێکی ئاسمانیی چڕدا بۆسەر شوێنی نیشتەجێبونی لەتاران کراوەتە ئامانج.
سوپای پاسداران لەڕاگەیەندراوەکەیدا پەنجەی تۆمەتی بۆ هاوپەیمانیی ئەمریکی-ئیسرائیلی درێژکردوەو بەڵێنی تۆڵەیەکی سەختى داوه، چونكه وهكو ئاشكراكراوه، لەهێرشەکەدا هاوسەرو منداڵەکانیشی گیانیان لەدەستداوە، کە ئەمەش کاردانەوەی زۆری لەمیدیا ناوخۆییەکانی ئێراندا لێکەوتوەتەوە.
جەمشید ئیسحاقی کێ بوو؟
بهگوێرهى سهرچاوهكانى ههواڵ، ئیسحاقی تەنها ئەفسەرێکی سەربازیی ئاسایی نەبوه، بەڵکو بەیەکێک لەمێشکە داڕێژەرە داراییەکانی کۆماری ئیسلامی دادەنرا.
گرنگترین خاڵەکانی ژیانی پیشەیی ئیسحاقى بریتیبون لە:
بەڕێوەبەری دارایی: بەرپرسی فەرمانگەی بودجەو کاروباری دارایی لەئەرکانی گشتیی هێزە چەکدارەکان.
تەلارسازی سێبەر: ناوبراو ئەندازیاری تێپەڕاندنی سزاکانی سەر نەوتی ئێران بوو بۆ دابینکردنی بودجەی پڕۆژە موشەکیو درۆنەکان.
کەسایەتییەکی نزیک لەڕێبەر: یەکێکبوو لەڕاوێژکارە جێ متمانەکانی عەلی خامنەیی لەکاروباری ستراتیژیی ئابوریی سەربازیدا.
چاودێران پێیانوایە، کوژرانی ئیسحاقی گورزێکی کەمەرشکێنە لەسیستەمی دابینکردنی دارایی گروپە چەکدارەکانی سەر بەئێران لەناوچەکەدا، چونکە ئەو کلیلی ئەو تۆڕە ئاڵۆزەبوو کە پارەی بۆ چالاکییە دەرەکییەکانی سوپای پاسداران دابیندەکرد.
ئەم ڕوداوەش لەکاتێکدایە، ناوچەکە لەلێواری جەنگێکی گشتگیردایەو کوژرانی بەرپرسێکی ئاوا باڵا لەناوجەرگەی تاراندا، نیشانەی بۆشاییهكى ئەمنی گەورەیە لەسیستەمی پاراستنی بەرپرسە باڵاکانی ئێراندا.
