شارپرێس:

لەسەر راسپاردەی وەزارەتی ناوخۆ، پارێزگاری هەولێر بڕیاریدا بە پێکهێنانی لیژنەیەکی تایبەت بە تۆمارکردنی زیانەکانی شەڕی ئەمریکا و ئێران و لێککەوتنەکانی لەسەر پارێزگاکە.

بەگوێرەی نوسراوێکی نوسینگەی پارێزگاری هەولێر کە ئیمزای ئومێد خۆشناوی لەسەرە، لەسەر داوای وەزارەتی ناوخۆی حکومەتی هەرێم، لیژنەیەکی نۆ کەسی بەمەبەستی تۆمارکردنی زیانە گیانی و ماددییەکانی لێکەوتەکانی شەڕی ئەمریکا و ئێران لەشاری هەولێر و ئیدارەی سەربەخۆی سۆران پێکهێنراوە.

بەپێی نوسراوەکە، لیژنەکە لەم کەسانە پێکهاتون:

-دادوەر بەختیار غەفور ، سەرۆکی دادگای تێهەڵچونەوەی ناوچەی هەولێر

-عەمید رەشید سەعید، نوێنەری وەزارەتی پێشمەرگە

-د. رێزان ئەنوەر، نوێنەری بەڕێوەبەرایەتی گشتی تەندروستی هەولێر

-عەمید عادل ئەحمەد، نوێنەری بەڕێوەبەرایەتی پۆلیسی هەولێر

-عەمید عومەر ئیسماعیل، نوێنەری ئاسایشی هەولێر

-یوسف مەحمود، نوێنەری تۆماری خانوبەرەی هەولێر

-عەقید ئومێد عارەب، نوێنەری بەڕێوەبەرایەتی بەرگری شارستانی هەولێر

-ناز جەلال، بەڕێوەبەری بەڕێوەبەرایەتی کۆچ و کۆچبەران و وەڵامدانەوەی قەیرانەکان