شارپرێس:

فەرماندەی فەیلەقی قودسی سەر بە سوپای پاسدارانی ئێران ڕاگەیەنراوێکی لەبارەی سەردانەکەی چەند رۆژی رابردوی بۆ بەغدا بڵاوکردەوەو دەڵێت،  سەردانەکە بۆ گەیاندنی سوپاس و پێزانینی ئێران بوە بۆ گەل و مەرجەعییەت و بەرپرسانی عێراق.

ئیسماعیل قائانى فەرماندەی فەیلەقی قودسی سوپای پاسداران لەبارەی کابینەی نوێی حکومەتی عێراق باسی لەوەکردوە، پێکهێنانی حکومەتی نوێ تەنیا مافی ڕەوای خودی عێراقییەکانە و دەستوەردانى هەر لایەنێک لەم بابەتەدا ڕەتدەکەنەوە، هەڵبژاردن و دیاریکردنی سەرۆکوەزیران تەنیا بڕیاری عێراقییەکان خۆیانە.

وتیشی، نابێت "تاوانبارانی دژ بە مرۆڤایەتی" دەستوەردان لە کاروباری ناوخۆی عێراقدا بکەن، چونکە عێراق لەوە گەورەترە.