شارپرێس:
دۆناڵد ترەمپ فەرمانی بە هێزەکانی ئەمریکا کرد هەر بەلەمێک ببینن لە گەروی هورمز مین دەچێنیت، دەستبەجێ بیکەنە ئامانج و نوقمی دەریای بکەن.
دۆناڵد ترەمپ، سەرۆکی ئەمریکا لەهەژماری تایبەتی خۆی لە تۆڕی کۆمەڵایەتی ترۆس سۆشیال بڵاویکردەوە،" فەرمانم بە هێزە دەریاییەکانی ئەمریکا کردوە تەقە لە هەر بەلەمێک بکەن و تێکی بشکێنن، ئەگەر هەوڵی چاندنی مین بدات لە ئاوەکانی گەروی هورمزدا ".
ئەوەشیخستەڕوو، کەشتییە مین-ڕاماڵەکان سەرقاڵی پاککردنەوەی گەروەکەن و فەرمانی کردوە ئەم چالاکییانە بۆ سێ هێندە زیاد بکرێن .
ترەمپ داوا لە هێزەکانی ئەمریکا دەکات هیچ دودڵییەکیان لە جێبەجێکردنی ئەم فەرمانە نەبێت.