شارپرێس:
بڕیارێکی نوێی ڕێبەری بزووتنەوەی تاڵیبان لە ئەفغانستان،
بەکارهێنانی مۆبایلی زیرەک لە ناوەندە فەرمی، ئەمنی و خوێندنگەکاندا قەدەغە دەکات.
بەپێی چەند بەڵگەنامەیەک
کە دەست میدیاکان کەوتوون، بڕیارەکە فەرمانبەران، هێزە ئەمنییەکان و قوتابییان دەگرێتەوە.
لە دەقی فەرمانێکی زارەکیی
مەکتەبی ڕێبەری تاڵیباندا هاتووە، هەر ئەندامێک یان فەرمانبەرێکی حکومەت سەرپێچی
بکات، وەک تاوانبار مامەڵەی لەگەڵ دەکرێت و ڕەوانەی دادگای سەربازیی دەکرێت.
هاوکات بەپێی ڕێنماییەکی
سەرۆکایەتیی پەروەردەی کابوڵ لە 19ی ئایاری ڕابردوو، ئەم قەدەغەکردنە بە شێوەیەکی
توند قوتابییانی ناوەندە حکومی و ئاینییەکانیشی گرتۆتەوە و هێنانی مۆبایلی زیرەکی
لێ قەدەغە کردوون.
ئاکۆ عەبدوڵڵا ئاڵی