شارپرێس:
سەلاحەدین محەممەد بەهائەدین ئەمینداری گشتی یەكگرتووی ئیسلامیی كوردستان دەڵێت، جێی داخە زیاتر لە دە ساڵە كێشەی مووچەخۆرانی هەرێم بەسەرجەم چین و توێژەكانییەوە هێشتا چارەسەر نەكراوە، بۆیە پێكهاتنی هێزەكانی دەسەڵات و ڕێكخستنەوەی ناوماڵی كوردستان و سەروەركردنی دەستوری هەمیشەیی عێراق بۆ چارەسەركردنی كێشەكان بەپێویست دەزانین.
سەلاحەدین محەممەد بەهائەدین لە لێدوانێكدا رایگەیاندووە "سەرەڕایی ئاگاداركردنەوەكانیش بەداخەوە هێزەكانی دەسەڵات مەترسی قۆناغەكە لەبەرچاو ناگرن و لەئێستادا كە ناوچەكە بەرەو شەڕێكی گەورەو وێرانكەر و چارەنوس نادیار هەنگاو دەنێت، بەڵام بەداخەوە وا دیار نییە كە ئامادەسازیان بۆ كردبێت".
دەشڵێت "دەبێت هەوڵەكان بەرەو ئەو ئاڕاستەیە بن كەوا گەلەكەمان و هەرێمەكەمان ڕوبەڕوی كەمترین زیان ببێتەوە".