شارپرێس:

وتەبێژی لیژنەی ئاسایشی نەتەوەیی و سیاسەتی دەرەوە لەپەرلەمانی ئێران رایدەگەیەنێت، هێرشی زەمینی لەکوردستانەوە بەشێکە لەپلانەکانی مۆساد و دەزگای ناوەندیی هەواڵگری ئەمریکا.

حەسەن قەشقاوی، وتەبێژی لیژنەی ئاسایشی نەتەوەیی و سیاسەتی دەرەوە لەپەرلەمانی ئێران لەگەڵ ئاژانسی ((ISNA ئێرانی ئاماژەی بەوەکردوە،" لەسنورەکانی کوردستانەوە جوڵە بەدیدەکرێت، بەڵام ئێمە رۆڵێکی باشی هەواڵگری هەیە لەناوچەکە و زۆرجار پێشوەختە زانیاریمان پێدەگات و ئۆپراسیۆنی سەربازی لەو ناوچانە جێبەجێ دەکەین ".

لەبارەی گەلی کوردستانیشەوە وتی،" کوردەکان پەرۆشییەکی زۆریان هەیە بۆ پاراستنی سەلامەتی و یەکگرتویی ئێران، ئەوان هیچکات لەگەڵ گروپە جوداخوازەکان نەبون و  ئەم یەکگرتوییە نەتەوەییە بوە هۆی شکستی دوژمنان لە بەرەکانی شەڕدا ".