شارپرێس:
سەرچاوەیەكی ئاگادار ڕۆژی دووشەممە ئاشكرای كرد كە عەلی زەیدی سەرۆك وەزیرانی عێراق هەفتەی داهاتوو سەردانی سعودیە دەكات.
ئەو سەرچاوەیە بە ئاژانسی شەفەق نیوزی ڕاگەیاندووە، "لە چەند ڕۆژی ڕابردوودا لایەنە نێودەوڵەتی و هەرێمی و ناوخۆییەكان پەیوەندییان هەبووە بۆ كەمكردنەوەی گرژییەكانی نێوان بەغدا و ڕیاز و ئەو لایەنانە سەركەوتوو بوون".
سەرچاوەكە ئاماژەی بەوەشكرد، "دوای ئەو هەوڵانەی نێوەندگیری، بڕیاردراوە كە سەردانە دواخراوەكەی زەیدی بۆ سعودیە هەفتەی داهاتوو ئەنجام بدرێت، لەو ماوەیەدا ڕێككەوتن لەسەر بابەتی ئەمنی و ئابووری و وەبەرهێنان دەكرێت".