ئەو نەخۆشییانەی لەرێگای سەیركردنی لووتەوە دەردەكەون

تەندروستی

07/06/2019‌ 1041 جار خوێندراوه‌ته‌وه

شارپرێس: 
جەستەی مرۆڤ یەك یەكەی تەواوكارە ، لەبەر ئەوە دەبێت تێبگەین بۆچی پزیشك لەكاتی سەیركردنی لوتمان دەكرێت گومان لەبوونی نەخۆشییەكی دیاریكراو بكات .

ئەو نەخۆشیانەش ئەمانەن، كە لەڕێگای لووتەوە دەناسرێنەوە:
خوێن بەربوونی لووت:
 رەنگە نیشانەی بەرزبوونەوەی فشاری خوێن بێت ، كە رەنگە نەخۆشییەكە ماوەیەكی زۆر بێت هەیبێت و هەستی پێنەكردبێت .

دەركەوتنی بۆرییەكانی خوێن: 
رەنگە نیشانەی بەرزبوونەوەی فشاری خوێن و  هەوكردنی بۆڕییەكانی خوێن بێت ، بەڵام تەقینی بۆڕییەكانی خوێن لەسەر پێست و لەلاتەنیشتەكانی لووت نیشانەی دیاردەی داكشانی جەستەیە .

شینبوونەوەی سەری لووت ، نیشانەیە بۆ بوونی كەموكوڕی لە دڵ و سییەكان .

گۆڕینی رەنگی لووت ، ئاماژەیە بۆ بوونی هەوكردنی توندی گەدە ، ئەوەش زیاتر دەردەكەوێت ئەگەر ئازاری سكیشی لەگەڵ بێت .

لووت سووربوونەوەی ناو ناوە ، نیشانەیە بۆ بوونی نەخۆشی درێژمەودا لە گەدەدا .

سووربوونەوەی بەردەوامی لووت: 
بەگشتی بەردەوام سسوربوونەوەی لووت  رەنگە بەهۆی تووشبوون بێت نەخۆشی "گوڵیی" بێت ، وەك ڕێسا سەرەتا سەری لووت سوور دەبێتەوە ، بەتێپەڕبوونی كات دەگوازرێتەوە بۆ شانەكانی لاتەنیشتی لووت . هۆكارەكانی ئەم سووربوونەوەیە رەنگە خواردنەوەی كحوولیش بێت ، یان تێكچوونی كاركردنی كوێرە گلاندەكان یان نەخۆشییەكانی خوێن یاخود كەموكوری لە كاركردنی كۆئەندامی هەرس.

هەڵاوسانی سەری لووت بەزۆری لای ئەوكەسانە دەردەكەوێت كە دڵیان سستە .

وشكبوونەوەی لینجە پەردەی لووت : 
ئەگەر وشكبوونەوەكە بەردەوام بوو ئەوە زۆر گرنگە پشكنین بۆ سییەكان بكرێت .

وەرگێڕان: ئاكۆ عەبدوڵڵا ئاڵی