شارێك قەدەغەی سەر بەكارهێنانی ماددەی هۆشبەری سرووشتی هەڵگرت

sharpress.net

333 جار خوێندراوه‌ته‌وه

09/06/2019‌

شارپرێس:
ئیدارەی شاری ئۆكلاندی ئەمەریكی لە ویلایەتی كالیفۆرنیا ڕێگە بەبەكارهێنانی ماددە هۆشبەرە سرووشتییەكان دەدات .

بەگوێرەی رۆژنامەی واشنتۆن پۆست ، دوای دەنڤەر شاری ئۆكلاند دووەم شاری ئەمەریكییە كە دەسەڵاتدارانی ڕێگە بە بەكارهێنانی قارچك و كاڵەكی دڕكن (صبار)  و هەندێ جۆر دارودەوەن دەدەنی تر  كە ماددەی سیلۆسیبین (ماددەی بیهۆشكەر)یان تێدایە .

 ئەوانەی پشتیوانی بڕیارەكە دەكەن دەڵێن ئەو ماددەیە یارمەتی رزگاربوون دەدات لە خەمۆكی و شەكەتی و هەندێ جۆر هێدمە و چەند حاڵەتێكی تر ، ئەوە جگە لەوەی دانیشووانی رەسەنەكانی ئەمەریكا وەك دابونەریت بەكاریدەهێنن .

لەئێستادا ناتوانرێت هیچ كەسێك دەستگیر بكرێت یان لەڕووی یاساییەوە لێپێچینەوەی لەگەڵ بكرێت لەسەر ئەوەی قارچكی بیهۆشكەر یان پێكهاتەكانی تری بەكاربهێنێت یان بكڕێت یان بفرۆشێت .

ئەو كەسانەی تەمەنیان ٢١ ساڵ بەرەو سەرەوەیە دەكرێت بەشێوەیەكی یاسایی ئەو جۆرە ماددە هۆشبەرەیان بۆ بكڕدرێت ، ئەوە جگە لەوەی دەبێت ئەو كەسانەی تووشی تێكچوونی دەروونی بوون پێش بەكارهێنانی راوێژ بە پزیشك بكەن .

هێشتا لە وڵاتە یەكگرتووەكانی ئەمەریكا ئەو قەدەغەیەی لەسەر ئەو جۆرە گژ و گیا و قارچكانەیە بەردەوامە ، جگە لەوەش ئەو كەسانەی لەژێر كاریگەری خواردنی ئەو جۆرە ماددانە بێهۆش دەبن بەرپرسیارێتیان لەسەر هەڵناگیرێت ، بۆ نموونە كاتێك ئۆتۆمبێل لێدەخوڕن .

وەرگێران: ئاكۆ عەبدوڵڵا ئاڵی





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved