خۆپیشاندان لە بەردەم بارەگاى نەتەوەیەکگرتوەکان لە هەولێر دەستیپێکرد

sharpress.net

459 جار خوێندراوه‌ته‌وه

10/10/2019‌

شارپرێس:

خۆپیشاندانى هەزاران هاوڵاتى هەرێمى کوردستان و رۆژئاوای کوردستان لەبەردەم بارەگاى نەتەوەیەکگرتوەکان لە هەولێر دەستیپێکرد.

دوانیوڕۆى ئەمرۆ پێنج شەممە بە هەزاران کەس لەبەردەم بارەگاى نەتەوەیەکگرتوەکان لە شارى هەولێر کۆبوونەوەو تیایدا نیگەرانى خۆیان بەرامبەر لەشکرکیشى تورکیا بۆ سەر رۆژئاواى کوردستان راگەیاند.

دواتر خۆپیشاندەران بەیاننامەى ناڕەزایەتیان خوێندەوەو تیایدا داوایان لەنەتەوەیەکگرتووەکان کرد هەڵویستیان هەبێت بەرامبەر ئەو لەشکر کێشیانە.

هاوکات بەتوندى کشانەوەى هێزەکانى ئەمریکایان لەسەر سنورەکانى رۆژئاوای کوردستان ئیدانە کردو داوایان لە ترەمپ کرد لە بریارەکەى پەشیمان بێتەوە.

خۆپیشاندەران چەندین دروشمیان لەدژى تورکیاو ئەردۆغان دەوتەوەو ناوبراویان بە تیرۆرست ناو دەبرد.

س.هـ







ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved