شارپرێس:
ئەكتەری ئەمریكی_مەكسیكی، سەلما حایك كەمپینی دژ بەتوندوتیژی ژنانی ڕاگەیاند، چونكە ئێستا بەهۆی ڤایرۆسی كۆرۆناوە ژنان لەماڵەوەن و ئەگەر هەیە توندوتیژییان بەرامبەر ئەنجام بدرێت.
سەلما حایك، ملیۆنان شوێنكەوتەی تۆڕە كۆمەڵایەتییەكانی بۆ كەمپینی "وەستان لەگەڵ ژنان" بانگێشت كرد.
كەمپینەكەی سەلما هەڵگری ناوی "وەستان لەگەڵ ژنان"دایە، لەكورتە ڤیدیۆیەكی خۆیدا، كە 15 ملیۆن بینەری هەبووە، باسی لەوە كردووە، ئێمە لە ماڵەكانمان دەمێنینەوە بۆ ئەوەی لە هەڕەشەی ڤایرۆسی كۆرۆنا پارێزراو بین، ئەی چی ئەگەر ماڵەكان خۆیان سەرچاوەی هەڕەشەبن؟
هەروەها وتی: زۆر پێویستە هەڵوێستمان دژی توندوتیژی هەبێت، پێویستە هەمووان دەنگمان بكەین بەیەك و پێكەوە بڵێین نا بۆ توندوتیژی.
وەرگێڕان: ڕەنج ڕەسوڵ