لەسلێمانی پێنج كەسی دیكە بەكۆرۆنا گیانیان لەدەستدا

کوردستان

09/07/2020‌ 310 جار خوێندراوه‌ته‌وه

شارپرێس:
سه‌رۆكی تیمی ناشتنی قوربانیانی كۆرۆنا له‌ سلێمانی رایدەگەیەنێت،  ئه‌مڕۆ له سلێمانی پێنج كه‌س به‌هۆی كۆرۆناوه‌ گیانیان له‌ده‌ستداوه‌ و به‌خاكسپێردراون.

عه‌بدوڵا سه‌نگاوی، له ‌هه‌ژماری تایبه‌تی خۆی له‌تۆڕی كۆمه‌ڵایه‌تی فه‌یسبوك نوسیویه‌تی، "ئه‌مڕۆ پێنج كه‌س به‌ هۆی ڤایرۆسی كۆرۆناوه‌ گیانیان له‌ ده‌ستداوه‌".

ئاماژەی بەوەشکردووە، سێ كه‌سیان خه‌ڵكی ناوشاری سلێمانی بون و دوانیشیان خه‌ڵكی شاره‌زور و هه‌ڵه‌بجه‌ی شه‌هید بون.

عه‌بدوڵا سه‌نگاوی داواش له‌هاوڵاتیان دەكات رێنماییه‌كانی خۆپارێزی جێبه‌جێ بكه‌ن و به‌ جێبه‌جێكردنی هه‌نگاوه‌كانی خۆپارێزی ژماره‌ی گیانله‌ده‌ستدان و توشبوان به‌كۆرۆنا كەمدەبێتەوە.