شارپرێس:
چەند پێگەیەك لە ئینتەرنێت وێنە و زانیارییان
دەربارەی تابلێتی نوێی Galaxy
Tab كۆمپانیای
سامسۆنگ بڵاوكردوەتەوە كە بریار وایە لە سەرەتای ساڵی داهاتوو رابگەیەنرێت و ببێت
بە باشترین تابلێتی كۆمپانیا كۆرییەكە.
بەگوێرەی زانیارییە بەردەستەكان، تابلێتی Galaxy Tab S8 Ultra خاوەنی بۆدییەكی سەرنجڕاكێشە كە لە شوشە و پلاستیك دروستكراوە و بەرگەی شكان
وروشان دەگرێت و دورییەكەی (325.8/207.9/5.4) ملیمەترە.
شاشەی تابلێتە نوێیەكەی سامسۆنگ لە جۆری OLED دەبێت بە قەبارەی 14.6 ئینج و بە وردیی پیشاندانی (2960/1848) پێكسڵ، جێگای باسە توانای نوێبونەوەی شاشەكە 120 هێرتز
دەبێت و تابلێتە قەڵەمێكی هۆشمەندی بۆ نوسین و وێنەكێشان لەگەڵ دەبێت.
چارەسەركەری Snapdragon 898 بۆ تابلێتەكە جێگیركراوە، رامی تابلێتەكە 8 / 12 گێگابایت و بیرگەی ناوەكی 128 /
512 گێگابایت دەبێت.
شیاوی باسە كامێرای سەرەكی تابلێتەكە (13+5) مێگاپێكسڵ و كامێرای پێشەوەی (8+5) مێگاپێكسڵ دەبێت، توانستی پاتری تابلێتەكە 12000 میلی
ئمپێر و توانای بارگاویكردنەوەی 45 وات دەبێت.
رەنج رەسول