چۆن خۆمان لەتووشبوون بەنەخۆشیی شەکرە بپارێزین؟

تەندروستی

30/04/2022‌ 489 جار خوێندراوه‌ته‌وه

شارپرێس:

نەخۆشی شەکرە نەخۆشییەکی دریژخایەنەو ملیۆنان کەس لەسەرتاسەری جیهاندا بەدەستییەوە دەناڵێنن، تووشبوون بەم نەخۆشیەش بەهۆکاری چەند فاکتەرێکی وەک فاکتەری ژینگەیی‌و بۆ ماوەیی‌و ستایلی نادرووستی ژیانەوە دەبێت، جگە لەوکەسانەی کە نەخۆشی شەکرە لەمێژووی بنەماڵەکەیاندا هەیە.

ئەگەربێت‌و کەسەکە نەخۆشییەکەی لەژێر کۆنترۆڵدا نەبێت چەندین لێکەوتەی تەندرووستیی وەک پەککەوتنی گورچیلەو نەخۆشییەکانی دڵ‌و لوولەکانی خوێن‌و چەندین لێکەوتەی تریشی بەدودابێت، هەربۆیە گرنگە ئەو ڕێگاو ڕێکارانە بزانرێت کە بەهۆیەوە دەکرێت خۆمان لەنەخۆشییەکە بپاریزین، کە ئەوانیش بریتین لە:

1ـ پەیڕەوکردنی سیستەمێکی خۆراکیی دروست‌و خواردنی خۆراکە سروشتییەکان کەڕێژەیەکی زۆر ڕیشاڵەکانی تێدایە، هەروەها کەمکردنەوەی چەوری‌و شیرینی.
2ـ ڕۆژانە وەرزشکردن بەبەردەوامی بەتایبەت ڕۆیشتن بەپێ لانیکەم بۆماوەی نیو کاتژمێر یاخود مەلەکردن‌و پایسکیلسواری.
3ـ هەوڵدان بۆ کەمکردنەوەی کێشی زیادەی جەستەو دروستکردنی لەش‌و لارێکی ڕێك بەشێوەیەك لەدەستدانی 7%ـی کێشی زیادەی لەش، ئەگەری تووشبوون بەنەخۆشیەکە کەمدەکاتەوە.
4ـ پارێزگاریکردن لەجێگیری ئاستی فشاری خوێن‌و کۆلێسترۆڵ‌و چەوری سیانیی.
6ـ ئەنجامدانی پشکنینی پزیشکی بەردەوام، بەشێوەیەک لانیکەم ساڵی جارێک پشکنین بۆ زانینی ڕادەی مەترسیی تووشبوون بەنەخۆشییەکە بکرێت.
7ـ پابەندبوون بەبەدەستهێنانی خەوی تەواو، لەبەرئەوەی کەمخەویی‌و خراپی کوالێتی خەو دەبێتە هۆی زیادبوونی کێشی جەستەو دواجار تووشبوون بەنەخۆشیی شەکرە.

و: ئاکۆ ئاڵی