شارپرێس

هاوسەرۆکی ڕێکخراوی سروشتی کوردستان ڕایگەیاند، بەشێکى گەورەى تونى بابا لە ژێر هەڕەشە و مەترسى لە ناوچوندایە، بەهۆى چاوچنۆکى خاوەن کارگەیەکى دەرهێنانى بەرد و چەو و لم و بێ باکى حکومەتى خۆجێییەوە.

سەروەر قەرەداغی، هاوسەرۆکی ڕێکخراوی سروشتی کوردستان لە فەیسبوكی خۆی نوسیویەتی: ١١ى مانگ لە تونى بابا بوم, دەمى خەفارەکان کاریان تێدا دەکرد, لە ئێستا لەسەرەوەى تونەکە کار دەکەن و بەشێک لە سروشتەکەیان شێواندووە, کارەساتە، ئەمەش شەرمەزارییە بۆ دەسەڵات, بەپەلە کار بۆ ڕا گرتنیان نەکات.

دەشڵێت: حکومەت وەک تۆپ یارى بە تونەکە دەکا, گەرمیان دەڵێ عایدى دەربەنە و دەربەنیش دەڵێت عایدى گەرمیان, کە یەکلا دەبێتەوە سەربە ئیدارەى خۆجێى دەربەندیخانە, دەڵێن دەسەڵاتمان نییە, و سلێمانى مۆڵەتى داوە, سلێمانیش دەڵێت قایمقام نوسراومان بۆ بەرز نەکاتەوە مۆڵەتیان پێ نادەین و  زیاتر لەمەش دەڵێن.

باس لەوەش دەكات، تەنانەت ئەشکەوتى کونەباش بەهەمان دەرد براوە و وێران کراوە, ئێستا دەڵێن ئاوەدانى دەکەنەوە, بۆ ئەوەى زیاتر وێرانتر بکرێت و داوادەكات، فریاى تونى بابا و ئەشکەتى کونە با بکەون و کارکردنى کانەکانى دەرهێنانى بەردى شاخى گوڵان ڕابگرن، هەروەها کارکردنى کارگەى بەرد و چەو و لمى ناو تونى بابا ڕابگرن.

س.س