شارپرێس

بەپێى ڕاپرسییەکى سەنتەرى شناخت محەمەد باقر قایباف لەناو کاندیدەکاندا زۆرترین دەنگ بەدەست دەهێنێت و دەبێت بە سەرۆک کۆمارى ئێران.

ئاژانسی هەواڵی میهری ئێران بڵاویكردووەتەوە، بەگوێرەی دواین راپرسیەكان لەبارەی ئەنجامی هەڵبژاردنی سەرۆكایەتی ئێران، محمەد باقر قالیباف بە بەدەستهێنانی رێژەی (28%) دەنگەكان لەپلەی یەكەمدایە، بەدوایدا مەسعود پزشكیان، بە بەدەستهێنانی (21%) دەنگەكان لەپلەی دووەمدایە.

ئاژانسەكە، راپرسیەكی سەنتەری شناخت بۆ راپرسی رای گشتی بڵاوكردووەتەوە، كە تێیدا هەزار كەس بەشداریكردووە، لە (52%) بەشداربوانی راپرسیەكە جەختیانكردووە لەوەی بەشداری هەڵبژاردن دەكەن، (29.23%) وتویانە بەشداری لە هەڵبژاردن ناكەن، (18.73%) بەشداربوانیش خۆیان یەکلایی نەکردووتەوە بەشدارى دەنگدان دەکەن یان نا.

لەبارەی ئەنجامی راپرسیەكە، سەنتەرەكە ئاشكرایكردووە، محەمەد باقر قالیباف بە بەدەستهێنانی (29%) دەنگەكان لە ڕیزی پێشەوەی كاندیدەكانە، مەسعود پزشكیان بە بەدەستهێنانی (21%) لە پلەی دوەمدایە، سەعید جەلیلی (18%) دەنگەكانی بەدەستهێناوە.

وا بڕیارە رۆژی (28) حوزەیرانی داهاتوو هەڵبژاردنى خولى 14یەمى سەرۆکایەتى کۆمارى ئێران بەڕێوە بچێت و لە پێنج پارێزگاى عێراق و هەرێم سندوقى دەنگدان بۆ هاوڵاتییانى ئێران دادەنرێت.