شارپرێس:
دوای 35 رۆژ لەدەستپێکردنی بانگەشە بۆ هەڵبژاردنی پەرلەمانی عێراق، سبەی شەممە، بانگەشەی هەڵبژاردن لە هەرێمی کوردستان و عێراق ڕادەگیرێت.

بەپێی ئەو خشتەیەی کۆمیسیۆنی باڵای سەربەخۆی هەڵبژاردنەکانی عێراق دیاریکردوە، کاتژمێر 7:00ی بەیانی سبەی شەممە، بانگەشەی هەڵبژاردن بۆ پەرلەمانی عێراق رادەگیرێت و دووسبەی یەکشەممە، پرۆسەی دەنگدانی تایبەت دەستپێدەکات.

بەپێی ئامارەکانی کۆمیسیۆن، لەدەنگدانی تایبەتدا ملیۆنێک و 313 هەزار و 980 کەس لە هێزەکانى ئەمنییەکانی عێراق و هەرێمی کوردستان دەنگ دەدەن، لە دەنگدانی گشتیشدا 20 ملیۆن و 63 هەزار و 773 کەس بەشداریی دەکەن.