شارپرێس:
کۆمیسیۆنی باڵای سەربەخۆی هەڵبژاردنەکانی رایگەیاند، سبەی لەپارێزگاکانی بەسرە، دهۆک و میسان دەست بە دابەشکردنی پارەی کارمەندانی سەر سندوقەکانی دەنگدان دەکرێت.

جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق لەراگەیەنراوێکدا ئاماژەی بەوەکرد،" فەرمانگەی دەنگدان لەڕێی فەرمانگەی کارگێڕی و دارایی سەر بە کۆمیسیۆن لەڕێێ ماستەر کاردەکانەوە دەستیانکرد بە پارەدارکردنی شایستەکانی کارمەندانی سەر سندوقەکانی دەنگدان لە پارێزگاکانی بەسرە، دهۆک و میسان.

ئەوەشتخستەڕوو، ماستەر کاردەکان لەڕێی 41 ناوەندی تۆمارکردن لە لەهەردوو پارێزگای میسان و دهۆک بەسەر کارمەندان دابەشدەکرێت، لە پارێزگای بەسڕەش لەڕێی 76 ناوەندەوە بە کارمەندانی سندوقەکانی دەنگدان دەدرێتەوە.

بڕی پاداشتی کارمەندانی سندوقەکانی دەنگدان بەمشێوەیە دەبێت:

-ئەو کارمەندانەی فەرمانبەری حکومەتن

١-هەماهەنگیکار ناوەندی دەنگدان 300 هەزار دینار بۆ هەر رۆژێک (دەنگدانی تایبەت یان گشتی )

٢-بەڕێوەبەری وێستگە 200 هەزار دینار بۆ هەر رۆژێک (دەنگدانی تایبەت یان گشتی )

٣-کارمەندی ناوەند و وێستگەی دەنگدان 150 هەزار دینار بۆ هەر رۆژێک (دەنگدانی تایبەت یان گشتی )

-ئەو کارمەندانەی خوێندکار یان دەرچون:

١-هەماهەنگیکار ناوەندی دەنگدان 400 هەزار دینار بۆ هەر رۆژێک (دەنگدانی تایبەت یان گشتی )

٢-بەڕێوەبەری وێستگە 300 هەزار دینار بۆ هەر رۆژێک (دەنگدانی تایبەت یان گشتی )

٣-کارمەندی ناوەند و وێستگەی دەنگدان 250 هەزار دینار بۆ هەر رۆژێک (دەنگدانی تایبەت یان گشتی )

-پاداشتی کارمەندانی یەدەگ بەمشێوەیە دەبێت:

١- فەرمانبەری حکومی 50 هەزار دینار و نوسراوێکی سوپاس و پێزانین

 ٢-خوێندکار و دەرچوو 100 هەزار دینار