شارپرێس:
دەستەی گشتی گومرگەکانی
عێراق لەزیادکردنێکی ئاشکرادا بڕی هەزار و 221 کارتۆن لەخواردنەوەی کحولی جۆراوجۆر دەفرۆشێتەوە،
کە بەهاکەی17 ملیۆن و 199 هەزار دینارە.
بەڕێوەبەرایەتی گومرگی
ناوچەی ناوەڕاست لەئاگادارییەکدا بۆ هاوڵاتییان دەڵێت، رۆژانی چوارشەممە، 16ى 9ى 2026 و دوشەممە، 21ى 9ى 2026 لە زیادکردنێکی ئاشکرادا بڕێک خواردنەوەی کحولی دەستبەسەرگیراو
دەفرۆشێتەوە ".
ئەوەشیخستەڕوو، هەر
کەسێک دەیەوێت بەشداری لەو زیادکردنە ئاشکرایە بکات، دەبێت لەچوارچێوەی رێکارە
یاساییەکان بڕی 20%ی وەک بیمە بەهای ئەو مەوادانە بدات و لە وادەی
دیاریکراودا ئامادە بێت.