شارپرێس:
ئەمڕۆ یەك شەممە سوپای پاسداران سەرشیوی مەریوانی لە ڕۆژهەڵاتی كوردستان بۆردومان كرد.
بەگوێرەی سەرچاوەكان، سوپای پاسداران بەیانی ئەمڕۆ بە درۆن و هاوەن گوندی گەوێڵەی سەر بە ناوچەی سەرشیوی مەریوانی بۆردومان كردووە.
سەرچاوەكان دەڵێن، ئەو بۆردومانە 40 خولەك بەردەوام بووە و ترس و دڵەڕاوكێی لەنێو هاووڵاتیانی سنورەكەدا دروستكردووە.
ئەم بۆردومانە هاوكاتی ڕوودانی چەند پێكدادانێكە لەنێوان سوپای پاسداران و هێزەكانی یەكینەكانی پاراستنی ڕۆژهەڵاتی كوردستان لە چەند ناوچەیەك لە ڕۆژانی ڕابردوودا.