دوای ئەوەی سارا موحسین و سازگار فایەق ئەندامانی پەرلەمانی کوردستان لە رەوتی هەڵوێست بەشدارییان لە دانیشتنی پەرلەماندا کرد، ڕەوتی هەڵوێست بڕیاری دوورخستنەوەی دا.
رەوتی هەڵوێست لە راگەیەندراوێکدا دەڵێت: "ئەم دوو پەرلەمانتارە بە هەردووکیان تەنیا (هەزار) دەنگیان هێناو بە کۆتا دەرچوون".
لە راگەیەندراوەکەی هەڵوێستدا کە عەلی حەمەساڵح بڵاویکردوەتەوە هاتووە، "دروشمی بانگەشەی ئێمە تەسلیم نەبوون بوو بەم دەسەڵاتە، ئێستاش دەنگی خەڵکی ناڕازی ببەن و تەسلیمی ئەو دەسەڵاتەی بکەن، زۆر کەس بوون بە مێژوو، پۆست و پارەیان دەستکەوت، بەڵام متمانە و کەسایەتیان لەدەستدا".