شەرقلئەوسەت: كوردەكانی عێراق بەگرەنتی نەبێت بۆ یەك دەقەش ریفراندۆم دواناخەن

sharpress.net

652 جار خوێندراوه‌ته‌وه

30/08/2017‌

شارپرێس:
رۆژنامەی ئەرقولئەوسەتی سعودی بڵاویكردەوە، كە كوردەكانی عێراق پابەندن بەو كاتەی بۆ ئەنجامدانی ریفراندۆمی هەرێمی كوردستان دیاریانكردووە، كە ئەویش 25/9/2017یە.

رۆژنامەكە بڵاویشیكردەوە، سەرەڕای ئەوەی وڵاتانی ئەمریكاو عێراق‌و توركیاو ئێران داوای دواخستنی ریفراندۆمیان لەبەرپرسانی هەرێم كردووە، بەڵام كوردانی عێراق پابەندن بەكاتەوەو جەخت دەكەنەوە ریفراندۆم دواناخرێت.

رۆژنامەكە ئاشكراشیكردووە، كوردەكان، تەنیا لەیەك كاتدا ریفراندۆمی هەرێم دوادەخەن، ئەوەش گرەنتییەكی نوێدەوڵەتیان هەرێت بۆ پرسی دواخستنی، بۆ ئەوەش نموونەی بەقسەكانی بارزانی هێناوەتەوە، كە لەچاوپێكەوتنێكی رۆژنامەكە، ئەمڕۆ چوار شەممە بڵاوبووەتەوە.

مەسعود بارزانی لەمیانی چاوپێكەوتنەكە رایگەیاندووە، ئەو وڵاتانەی داوای دواخستنی ریفراندۆم دەكەن، دەبێت جێگرەوەیەكی تر بدەنە هەرێمی كوردستان، كە ئەو جێگرەوەیە لەریفراندۆم بەهێزتربێت.

مەسعود بارزانی لەبارەی ئەو وڵاتانەشی دەڵێن، مانگی نۆی ئەمساڵ كاتێكی گونجاو نییە بۆ ئەنجامدانی ریفراندۆم‌و دەبێت دواخرێت، رایگەیاندووە، كە دەبێت ئەو وڵاتانە كاتێكی گونجاو بۆ هەرێمی كوردستان دیاریكەن.

هەروەها بۆ ئەوە داوای گرەنتی لەحكومەتی عێراق‌و ئەمریكاو یەكێتی ئەوروپاو هاوپەیمانی نێودەوڵەتی كردووەو راشیگەیاندووە "دەبێـت ئەو وڵاتانە بەنووسراوی فەرمی داوا لەهەرێم بكەن ریفراندۆم دوابخات، دواتریش گرەتنی ئەوە بدەن لەكاتی ئەنجامدانی ریفراندۆمەكە، دان بەئەنجامەكەیدا بنێن".

بارزانی ئەوەشی راگەیاندووە، ئەگەر ئەو وڵاتانە ئەو هەنگاوە بنێن، ئەوە هەرێمی كوردستان ریفراندۆم بۆ شەش مان، یان یەك ساڵ دوادەخات، ئەوەش لەسەر داوای ئەوان.

ئەمە لەكاتێكدایە، كە مەسعود بارزانی‌و زۆرێك لەلایەنە سیاسییەكانی هەرێم رۆژی 25/9/2017ین دیاریكردووە بۆ ئەنجامدانی ریفراندۆم‌و ئەمەش كاردانەوەی جۆراوجۆری بەداوە هاتووە، كە كاردانەوەكان داوای دواخستنی ریفراندۆم دەكەن.

مەسعود بارزانی جەختیشیكردووەوە، بڕیاری ئەنجامدانی ریفراندۆم بڕیارێكی تاك كەسی، یان تاك حیزبی نییەو هەموو گەلی كورد بڕیاری لەبارەوە داوە، هەر لەبەر ئەوەشە ئەوان ناتوانن بڕیاری دواخستنی بدەن.

هـ ـ ح



بابەتی لێکچوو



ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved