ئەو خووانەی مرۆڤ تووشی نەخۆشییەكانی شێرپەنجە دەكەن

sharpress.net

1118 جار خوێندراوه‌ته‌وه

18/06/2019‌

شارپرێس:
كۆمەڵەی شێرپەنجەی ئەمەریكی چوار لەو خووانەیان دیاری كردووە، كە هۆكارن بۆ تووشبوون بە شێرپەنجە وەكو خواردنی هەندێك ژەمە خواردن و هەندێ لە خواردنەوەكان و ژەمی بەیانی.

ئەو خووانەش بەم شێوەیە دیاریكردووە: 
خواردن و خواردنەوە زۆر گەرمەكان ، ئەو كەسانەی خوویان بە خواردن و خواردنەوەی زۆر گەرم گرتووە مەترسی تووشبوون بە شێرپەنجەی سورێنچكیان هەیە ، بۆیە پزیشكان دەڵێن نابێت چای زۆر گەرم و خواردنێك لە سەرووی ٦٠ پلەی سەدییەوە بێت بخورێت .

قاوەی بەیانیان : لەكاتی پرۆسەی برژاندنی دەنكە قاوەكان ماددەی شێرپەنجەیی درووست دەبێت و لە جەستەدا كەڵەكە دەبێت ، لەبەر ئەوە رۆژانە خواردنەوەی دوو كوپ قاوە یان زیاتر  ئەگەری تووشبوون بە شێرپەنجەی سییەكان بەڕیژەی ٤١% زیاد دەكات .

رۆژانە خواردنی گۆشتی سوور ، خواردنی گۆشتی سوور بەشێوەیەكی بەردەوام بەتایبەت گۆشتی دەستكاریكراو ، بەڕێژەی ٤٣% مەترسی مردنی پێشوەختە زیاد دەكات لەوانەش مردن بەهۆی شێرپەنجە.

چالاكی شەوانە ، كەمخەوی بەتایبەتی شەونخوونی و مانەوە تا درەنگانێكی شەو دەبێتە هۆی كەمدەردانی هۆڕمۆنی میلاتۆنین ، كە بەرپرسە لە ڕێكوپێكی سرووشتی جەستەی مرۆڤ ، لەبەر ئەوە كەمی ئاستی ئەو هۆڕمۆنە دەبێتە هۆی زیادبوونی مەترسی دەركەوتنی لووی مەترسیدار لە جەستەدا ، هەروەك كەمی ئەو هۆڕمۆنە مەترسی تووشبوون بە شێرپەنجەی مەمك زیاد دەكات .

وەرگێران: ئاكۆ عەبدوڵڵا ئاڵی






ads

زۆرترین خوێندراوە

ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved