ناسا هەسارەیەكی دۆزیوەتەوە كە سێ خۆری هەیە

جیهان

31/07/2019‌ 516 جار خوێندراوه‌ته‌وه

شارپرێس: 
خۆر  یەكەم ئەستێرەی كۆمەڵەكەمانە ، بەڵام لەگەردوونی فراواندا چەندین ئەستێرەن هەن، كە بەدەوری یەكتردا دەسووڕێنەوە ، لەم دواییە لەدەرەوەی كۆمەڵەی خۆر هەسارەیەكی نوێ  دۆزراوەتەوە، كە سێ خۆری هەیە .

ئەو هەسارە نوێیەی زانا گەردوونناسەكان دۆزیویانەتەوە ناویان لێناوە "LTT 1445Ab" ، ئەویش لەڕێگای مانگی دەستكردنی "تیس"، كە سەر بە ئاژانسی گەردوونی ئەمەریكی "ناسا"یە .

جینیفەر ونترز، كە گەردوونناسێكە دەڵێت: ئەگەر سەیری ئەو هەسارەیە بكەیت دەبینی سێ خۆری هەیە ، بەڵام دوو دانەیان زۆر لە هەسارەكەوە دوورن .

هەسارەكە تەنیا بەدەوری یەكێك لە سێ خۆرەكەدا دەسووڕێتەوە ، نزیكەی ٢٢،٥ ساڵی تیشكیش لە زەوی خۆمانەوە دوورە .

بەگوێرەی داتاكانی مامگی دەستكردنی "تیس" زاناكان پێیانوایە، ئەو هەسارەیە ٨ جار لە زەوی گەورەترە ، پلەی گەرمییەكەشی دەگاتە ١٦٠ پلەی سەدی .

وەرگێڕان: ئاكۆ عەبدوڵڵا ئاڵی