ئێران چاوەڕێ دەكات بەزوویی كەشتییە نەوتهەڵگرەكەی ئازاد بكرێت

sharpress.net

201 جار خوێندراوه‌ته‌وه

14/08/2019‌

شارپرێس:
بەرپرسێكی ڕێكخراوی بەندەرەكان و كەشتیوانی ئێرانی رایگەیاند، پێشبینی دەكرێت بەم نزیكانە ئەو كەشتییە نەوتهەڵگرە ئێرانییەی مانگی رابردوو لەلایەن دەسەڵاتدارانی بەریتانیاوە بەپاساوی پیشێلكردنی سزا سەپێنراوەكانی سەر سوریا لەگەرووی جەبەل تاریق دەستی بەسەرداگیرا ئازاد بكرێت .

ئاژانسی فارسی ئێرانی لەسەر زاری یاریدەدەری ڕێكخراوی بەندەرەكان و كەشتیوانی ئێرانی گواستوویەتییەوە، بەم نزیكانە كەشتی نەوتگوێزەرەوەی "گریس ١ "، كە لە جەبەل تاریق دەستبەسەر كراوە ، لەئاوە نێودەوڵەتییەكاندا دەست بە كەشتیوانی دەكاتەوە .

لەسەرەتای مانگی تەمموز حكومەتی جەبەل تاریق رایگەیاندبوو، دەستیان بەسەر كەشتییەكی نەوتگوێزەرەوەدا گرتووە، كە گومانی ئەوەی لێدەكرێت نەوت بۆ سوریا بگوازێتەوە، ئەوەش پێشێلكردنی سزا سەپێنراوەكانی یەكێتی ئەوروپایە بۆسەر سوریا .

لەبەرانبەردا ئێران هەڕەشەی ئەوەی كرد ئەگەر بێتوو كەشتییە نەوتهەڵگرە ئیرانییەكە ئازاد نەكرێت ئەوە ئەو وڵاتە وەڵامی توندو خێرای دەبێت ، بۆیە لە ١٩ی تەمووز هێزە دەریاییەكانی سوپای پاسدارانی ئێران دەستیان بەسەر كەشتی نەوتگویزەرەوەی بەریتانی "ستینا ئیمپیرۆ"دا گرت .

وەرگێڕان: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved