ئەو هاوسەرانەی کێشەی پرخەکردنیان هەیە لێکۆڵینەوەیەک ڕێگەچارەسەی گونجاو دەخاتەڕوو

تەندروستی

27/03/2024‌ 137 جار خوێندراوه‌ته‌وه

شارپرێس:

لێکۆڵینەوەیەکی نوێ بڵاویکردۆتەوە، دەستکاریکردنی خوی خەوتنی هاوسەرەکان بەجیاکردنەوەی جێگا یان خەوتن لەژوری جیادا یارمەتیدەرە بۆ باشترکردنی کوالێتی خەوو کەمکردنەوەی کاریگەرییەکانی پرخەکردن.


لەڕاپرسییەکدا کە لەلایەن کۆمپانیای OnePoll ئەنجامدراوە ئاشکرایکردوە، 70%ی ئەوانەی بەشدارییان لەڕاپرسییەکەدا کردوە، پێیانوایە کوالێتی خەوتنیان باشتربوە لەئەنجامی خەوتن لەسەر جێگه‌یەکی جیا لەهاوبەشی ژیانیان.

هەروەها 42%ی ئەوانەی بەجیا لەهاوبەشی ژیانیان دەخەون ڕایانگەیاندوە، پەیوەندییەکەیان "نوێکردوەتەوە"، هەروەها 23%یان پێیانوایە ژیانی سێکسیشیان باشترکردوە.

بەگوێرەی پێگەی ستادی فایندز، 4 کەس لەکۆی 5 بەشداربوو ڕایانگەیاندوە، بەهۆی خوی خەوتنی هاوبەشەکانیانەوە، بەردەوام لەشەودا لەخەو هەڵدەستن.

2000 کەس لەئەمریکا بەشدارییان لەڕاپرسییەکەدا کردوە، 21%یان یان لەژوری جیاوازدا خەوتون، یان لەدوو قەرەوێڵەی جیاوازدا.

بۆ باشترکردنی کوالێتیی خەو، ئەنجامەکان پێشنیازی بەکارهێنانی قەرەوێڵەی جیاواز لەژوری نوستنی هاوسەرەکان کردوە ئەگەر دەرفەتی ئەوە نەبێت ژوری نوستنی جیاوازیان هەبێت.

و: ئاکۆ ئاڵی