شارپرێس:
ئاژانسی هەواڵی "تاس"ی رووسیی ئەمرۆ پێنجشەممە لە زاری دیمیتری مێدڤێدێڤ، سەرۆکی پێشووی ڕوسیا و جێگری سەرۆکی ئەنجومەنی ئاسایشی ڕوسیا ڕایگەیاندووە کە ڕۆژئاوا بە شێوەیەکی کاریگەر شەڕێکی بەرفراوان دژی ڕوسیا ئەنجام دەدات.
جێگری سەرۆکی ئەنجومەنی ئاسایشی ڕوسیا ئاماژەی بەوەشکرد، مۆسکۆ دەبێت وەڵامی تەواو بداتەوە و ئەگەر پێویست بکات هێرشی پێشوەختە دژ بە رۆژئاوا ئەنجامبدات.
بەپێی ئاژانسەکە، مێدڤێدێڤ وتویەتی "دەبێت بەو پێیە مامەڵە بکەین، وەڵامی تەواو بدەینەوە ئەگەر پێویست بوو، هێرشی پێشوەختە دەستپێبکەین".
مێدڤێدێڤ وتویەتی: بیرتان دەخەمەوە کە سەرۆکەکەمان (ڤلادیمێر پوتین) بە شێوەیەکی دوور لە دوو دڵی ڕایگەیاندووە کە ڕوسیا هیچ نیازێکی نییە بۆ بەرەنگاربوونەوەی ناتۆ یان 'هێرشکردنە سەر ئەوروپا'.
ئاکۆ عەبدوڵڵا ئاڵی