شارپرێس:

فەرهاد ئەتروشی دوای هەڵبژاردنی وەک جێگری دوەمی سەرۆکی پەرلەمانی عێراق دەڵێت، لەم خولەی پەرلەماندا هەوڵی جێبەجێکردنی ئەو مافە دەستورییانەی گەلی کوردستان دەکەن، کە تاکو ئێستا جێبەجێ نەکراون.

فەرهاد ئەتروشی، جێگری دوەمی سەرۆکی پەرلەمانی عێراق لەلێدوانێکدا دەڵێت، عێراق وڵاتێکی فیدراڵییە و دەبێت دامودەزگای فیدراڵی پێکبهێنێت و ئێمە دەستورێکمان هەیە و زۆر بەندی دەستوری هەن دەبێت جێبەجێ بکرێن.

ئەوەشیخستەڕوو،" ئێمە هەوڵدەدەین لەم خولەی پەرلەماندا ئەو بەندە دەستورییانە جێبەجێ بکەین، کە تاکو ئێستا جێبەجێ نەکراون ".