شارپرێس:

ئاژانسی هەواڵی فارس بڵاویکردەوە، لەپارێزگای فارس لەباشوری ئێران سیستمی بەرگری ئاسمانی کاراکرا، میدیای فەرمی ئەو وڵاتەش دەڵێت، لە دورگەی کیش و شاری سیریک دەنگی چەند تەقینەوەیەک بیسترا.

ئاژانسی هەواڵی "تەسنیم"ی نزیک لەسوپای پاسدارانی ئێران بڵاویکردەوە،" شەوی رابردوو بۆ ئەمریکییەکانمان سەلماند کە هەر سەرکێشی و کارێکی گێلانەی نوێ وەڵامی راستەوخۆی ئێرانی بەدوادادێت ".

ئەوەشیخستەڕوو، هێزە چەکدارەکانی ئێران لەئامادەباشی تەواودان و ئەگەر ئەمشەو ئەمریکییەکان هێرشی دوژمنکارانە ئەنجامبدەن، روبەڕوی وەڵامێکی توند دەبنەوە.

هاوکات، تەلەفزیۆنی ئێرانی و ئاژانسی هەواڵی فارس دەڵێن، لە دورگەی کیش و شاری سیریک لەباشوری ئێران دەنگی چەند تەقینەوەیەک بیستراوە.