شارپرێس:
دەزگای ئاسایشی نیشتیمانی عێراق باندێکی تیرۆریستی دەستگیرکرد، کە پلانیان دانابوو سەرۆکی دەزگای ئاسایشی نیشتیمانی و بەڕێوەبەری ئاسایشی بەغدا و چەند ئەفسەێکی دیکە تیرۆر بکەن.

دەزگای ئاسایشی نیشتیمانی عێراق لەڕاگەیەنراوێکدا  ئاماژەی بەوەکرد،" مەفرەزەکانمان لەبەغدا روانییان پیلانێکی تیرۆریستی مەترسیدار پوچەڵ بکەنەوە، کە پەیوەندییان بە گروپێک بەناوی ( کۆمەڵەی نیشتیمانی عێراقی بۆ رزگاری و گۆڕانکاری ) هەیە و پلانیان دانابوو کە عەبدولکەریم بەسڕی سەرۆکی  دەزگای ئاسایشی نیشتیمانی و بەڕێوەبەری ئاسایشی بەغدا و چەند ئەفسەێکی دیکە تیرۆر بکەن ".

ئەوەشیخستەڕوو، ئەو باندەی دەستگیرکراون پەیوەندییان بە حزبی بەعسی قەدەغەکراو هەیە و لەقۆناغی دیاریکردنی ئامانجەکان و ئامادەکردنی چەک بوون بۆ جێبەجێکردنی پیلانەکەیان.

دەزگای ئاسایشی نیشتیمانی باسی لەوەشکرد، لەئێستادا تاوانباران رادەستی دادگا کراون و رێکاری یاساییان بەرامبەر دەگیرێتەبەر.