شارپرێس:
وەزارەتی دارایی حکومەتی هەرێم ڕایگەیاند، لیستی موچەی فەرمانبەران و موچەخۆرانی هەرێم ڕادەستی وەزارەتی دارایی حکومەتی فیدراڵ کرا.
وەزارەتی دارایی و ئابوریی حکوومەتی هەرێمی کوردستان لەڕاگەیەندراوێكدا ڕایگەیاند، لیستی موچەی مانگی حوزەیرانی فەرمانبەران و موچەخۆرانی هەرێم ڕادەستی وەزارەتی دارایی حکومەتی فیدراڵ کرا.
بەگوێرەی ڕاگەیەندراوێکی وەزارەتەکە، تیمی تەکنیکی وەزارەتی دارایی هەرێم سەردانی فەرمانگەی ژمێریارییان لەوەزارەتی دارایی عێراق کردوەو جیا لەلیستی موچەی مانگی 6، ڕاپۆرتی تەرازووی پێداچونەوەی مانگی ئایاریشیان ڕادەست کردون.
ئەمە لەكاتێكدایە، فالح ساری وەزیری دارایی عێراق ڕۆژی ڕابردوو دڵنیایدا لەخەرجكدرنی پارەی موچەی موچەخۆرانی هەرێم هاوشێوەی موچەی موچەخۆرو فەرمانبەرانی دیكەی عێراق.