شارپرێس:

دۆناڵد ترەمپ هەڕەشەی ئەنجامدانی هێرشی دیکە بۆ سەر ئێران دەکات و دەڵێت، ئێرانییەکان زۆر بە خراپی مامەڵە دەکەن.

دۆناڵد ترەمپ، سەرۆکی ویلایەتە یەکگرتوەکانی ئەمریکا لەکۆنگرەیەکی رۆژنامەوانیدا رایگەیاند، دوای ئەوەی ئێرانیەکان کەشتییەکیان لە گەروی هورمز کردەئامانج، ئێمەش ئەو وڵاتەمان بۆردومان کرد.

وتیشی،" ئەوان زۆر بەخراپی مامەڵە دەکەن و رەنگە ئەمشەویش هێرشی قورس بکەینەوە سەر ئێران ".

دۆناڵد ترەمپ باسی لەوەکرد،" هەموو ئەوەی دیکەین لەپێناو ئەوەیە ئێران نەبێتە خاوەنی چەکی ئەتۆمی، بابەتەکەش پەیوەندی بە گۆڕینی رژێمەوە نییە ".