شارپرێس:
دۆناڵد ترەمپ، سەرۆكی ویلایەتە یەكگرتووەكانی ئەمریكا، ڕووبەڕووبوونەوەی سەربازی نوێی لەگەڵ ئێران لەئێستا بەدوور زانی و سەركردەكانی ئێستای تارانیشی بە "عەقڵانیتر" وەسفكرد و بەرگری لە ستراتیژی پێشووی ئیدارەكەی كرد بەرامبەریان.
ترەمپ لە لێدوانەكانیدا كە لە كۆتایی كۆبوونەوەی لوتكەی ناتۆدا پێشكەشی كرد، مامەڵەكردنی لەگەڵ پرسی ئێران بە "سەركەوتنێكی گەورە" وەسف كرد.
ترەمپ دەڵێت: هێزی سەربازی ئێرانمان لەناوبرد و سەركردەكانیشی كوژران.
سەرەڕای داننان بە گۆڕانكاری لە هەڵسوكەوتی سەركردایەتی ئێران، سەرۆكی ئەمریكا گومانی خۆی لە داهاتووی پەیوەندییە دیپلۆماسیەكانی نێوان واشنتۆن و تاران دەربڕی و وتی "دڵنیا نیم دەمەوێت ڕێككەوتن لەگەڵیان بكەم".