شارپرێس:
بەپێی راپۆرتی میدیاکان، کۆمپانیای سامسۆنگ پلان دادەنێت بۆ فراوانکردنی بەرفراوانی بەرهەمە چەماوەکانی لە ساڵی 2027دا، ئەوەش دوای پێشوازییە بەهێزەی لە مۆدێلی Galaxy Z Fold 8 کرا، بەتایبەت لە بازاڕەکانی کۆریای باشوور کە ڕێژەی داواکاری پێشوەختەی ڕیکۆردی نەوەکانی پێشتری شکاند.

ئەم سەرکەوتنە سامسۆنگی هانداوە بەرهەمەکانی زۆرتر بکات و ژمارەی ئامێرە چەماوەکانی بۆ ساڵی ئایندە بگەیەنێتە 5 هۆشمەند.

پێشتر پێشبینی دەکرا پێکهاتەی ساڵی 2027 چوار ئامێری سەرەکیی لەخۆبگرێت کە بریتی بوون لە Galaxy Z Fold 9 و Galaxy Z Fold 9 Ultra و Galaxy Z Flip 9 لەگەڵ Galaxy Z TriFold 2 ، بەڵام ڕاپۆرتە نوێیەکە ئاماژە بە زیادکردنی پێنجەمین هۆشمەند دەکات کە ئەویش بە شاشەیەکی پان و بە ئاسۆیی دەنووشتێتەوە.

تا ئێستا زانیارییەکی ڕوون دەربارەی تایبەتمەندییەکانی ئەم ئامێرە پێنجەمە ناڕوونە، یەکێک لە ئەگەڕەکان ئەوەیە کۆپییەکی گەورەتری مۆدێلی Fold 8 بێت، بەڵام ئەم بژاردەیە ڕووبەڕووی ئاستەنگ دەبێتەوە؛ چونکە خاڵی هێزی Fold 8 دیزاینە بچووکەکەیەتی لە کاتی داخراندا بە شاشەیەکی دەرەکی 5.5 ئینجی. 

سیناریۆیەکی تر ئەوەیە سامسۆنگ هەمان قەبارە بهێڵێتەوە، بەڵام جیاوازی بکات لە مۆدێلی Z Fold 9 لە ڕێگەی تایبەتمەندی بەهێزترەوە وەک کامێرای پێشکەوتوتر، پڕۆسێسەری بەهێزتر، یان تایبەتمەندی زیاتر. 

لە بەرامبەردا، ئەگەری ئەوەش هەیە ڕوو لە پێشکەشکردنی وەشانێکی هەرزانتر بکات بۆ فراوانکردنی بنکەی بەکارهێنەرانی ئەم جۆرە هۆشمەندانە.

 بە سەیرکردنی هەموو زانیارییەکان، سامسۆنگ خۆی بۆ ساڵێکی زۆر سەرقاڵ لە بازاڕی ئامێرە چەماوەکان ئامادە دەکات.