نادال رەخنە لە دیۆكۆڤیچ دەگرێت

وەرزش

02/08/2021‌ 87 جار خوێندراوه‌ته‌وه

شارپرێس:

رافائێل نادالی ئیسپانی یاریزانی تێنسی سەر زەوی رەخنە لە نۆڤاك دیۆكۆڤیچی سربی هاوپیشەی خۆی دەگرێت و دەڵێت، "تۆ نمونەی بۆ منداڵان، نابێت هەڵەشە بیت".

لە نیوەی كۆتایی ركابەرییەكانی ئۆڵۆمپیادی تۆكیۆی 2020 بۆ تێنسی سەر زەوی، دیۆكۆڤیچ بەرامبەر ئەلیكسەندەر زیفیریفی ئەڵمانی شكستی هێنا، پاشان بۆ دیاریكردنی سێیەم و چوارەم پأڵەوان، جارێكی تر بەرامبەر پابڵۆ كارینیۆ شكستی هێنایەوە.

لە یارییەكەی بەرامبەر كارینیۆ، دیۆكۆڤیچ رەفتارێكی نائەخلاقییانەی نواند، لێدەرەكەی دەستی بۆ شوێنی هاندەران هەڵدا و ئەگەر كەسێك لەو شوێنە بووایە بێگومان ئازاری پێدەگەیشت، بەڵام خۆشبەختانە زۆربەی كورسییەكان چۆڵ بوون.

لە لێدوانێكدا كە رۆژنامەی ماركای ئیسپانی گواستویەتییەوە نادال دەڵێت، خۆشبەختانە هیچ كەسێك لەو شوێنە نەبوو و هیچ شتێكی تر رووینەدا، ئەمە جاری یەكەم نییە ئەم رەفتارانە رووبدەن، پێویستە لەم شێوازە هەڵەشەییە دوربكەویتەوە.

هەروەها وتی، دیۆكۆڤیچ یەكەمی جیهانە بۆ تێنسی سەر زەوی، ناكرێت بەم شێوەیە كاردانەوەی هەبێت و توڕە ببێت، چونكە ئەو نمونەی منداڵانە و چەندین هەزار منداڵ لە هەموو جیهان چاو لە رەفتارەكانی ئەو دەكەن.

رەنج رەسول


بەپەلە