شارپرێس:

لە چوارچێوەی ركابەرییەكانی جامی سوپەری ئیتاڵیا ئێوارەی رۆژی ئەمڕۆ كاتژمێر 23:00 یانەی ئینتەرمیلان لە یاریگای جۆزیپی میاتزا میوانداری یانەی یۆڤانتۆس دەكات.

دوای ماوەیەكی درێژ، یانەی ئینتەر میلان ساڵی رابردوو توانی نازناوی خولی ئیتاڵیا بەدەستبهێنێت و هاوكات یانەی یۆڤانتۆس توانی جامی ئیتاڵیا بەدەستبهێنێت.

بەشێوەیەكی گشتی تا ئێستا یانەی یۆڤانتۆس و ئینتەر میلان 229 جار بەرەنگاری یەكتر بونەتەوە، یانەی یۆڤی توانیویەتی لە 107 یاری براوە بێت، یانەی ئینتە میلان لە 65 یاری براوە بووە و لە 57 یاری یەكسان بوونە.

شیاوی باسە ئینتەر میلان 338 گۆڵی لە تۆڕی یۆڤانتۆس تۆمار كردووە، بە پێچەوانەوە یۆڤانتۆس 227 گۆڵی تۆمار كردووە و عومەر سیڤۆری یاریزانی پێشووی ئینتەر میلان بە 13 گۆڵ گۆڵكاری رووبەڕووبوونەوەكانی ئەو دوو یانەیەیە.

رەنج رەسول