لایەنە سیاسییەکانى هەرێم و کۆمیسیۆن بۆ پرسی هەڵبژاردن کۆدەبنەوە

کوردستان

28/02/2024‌ 127 جار خوێندراوه‌ته‌وه

شارپرێس

بەرپرسێکى بزوتنەوەى گۆڕانڕایگەیاند، بڕیارە هەفتەى داهاتو کۆبونەوەی لایەنە سیاسییەکان و کۆمیسیۆنى عێراق بەڕێوەبچێت و تیایدا چارەنوسى فەرمانبەرانى کۆمیسیۆنى هەرێم یەکلایی دەکرێتەوە.

هێمن شێخانى، باژێڕوانى مەکۆى هەولێرى بزوتنەوەى گۆڕان بە میدیاى گۆڕانى ڕاگەیاندووە، هەفتەى داهاتو نوێنەرى پارتە سیاسییەکان و کۆمیسیۆنى باڵاى سەربەخۆى هەڵبژاردنەکان کۆدەبنەوە.

لەبارەى ئامانجى کۆبونەوەکەوە وتى: بەشێک لە تەوەرەکانى کۆبونەوەکە پرسى هەڵبژاردنى پەرلەمانى کوردستان و چۆنیەتى بەڕێوەبردنەکەى دەبێت.

هەروەها، تەوەرێکى دیکەی کۆبونەوەکە چارەنوسى فەرمانبەرانى کۆمیسیۆنى هەڵبژاردنەکانی هەرێمە و  پێشنیار دەکرێت ،فەرمانبەرانى کۆمیسیۆنى هەڵبژاردنەکانى هەرێم لە هەڵبژاردنەکەدا بەکاربهێنرێن و تەنها نوێنەرى حیزبەکان لاببرێن.