زۆرینەی گەشتەكانی فڕۆكەخانەی مانچستەر بەهۆی بڕانی كارەباوە راگیران

جیهان

23/06/2024‌ 231 جار خوێندراوه‌ته‌وه



وتەبێژی فڕۆكەخانەی مانچستەر لە بەریتانیا ڕایگەیاند، ڕۆژی یەكشەممە  گەشتە ئاسمانییەكانی فڕۆكەخانەكە هەڵوەشاندنەوە و دواكەوتنی گەورەی بەخۆوەبینی، بەهۆی پچڕانی كارەبا لە ناوچەی فڕۆكەخانەكە.

وتەبێژی فڕۆكەخانەكە ئاماژەی بەوەشكردووە، پێشبینی دەكرێت ژمارەیەكی زۆر لە گەشتەکان دوابكەون یان هەڵبوەشێنرێنەوە، بەتایبەتی لە تێرمیناڵی یەك و دووەوە، بەپێی ئاژانسی ڕۆیتەرز.

كەناڵی سكای نیوز بڵاویكردەوە، كێشەیەك لە پێدانی كارەبا كاریگەری لەسەر فڕۆكەخانەی مانچستەر و ژمارەیەك باڵەخانە دروست كردووە.

ئاماژەی بەوەش كردووە كە كارەبا گەڕاوەتەوە، بەڵام كاریگەری پچڕانەكە لەسەر خزمەتگوزارییەكان بە درێژایی ڕۆژەكە بەردەوام دەبێت.