سەبارەت بە بڕیارەکەی پەکەکە، ئەمریکا دەڵێت: بڕیاری هەڵوەشاندنەوەی پەکەکە بە مانای سەردەمێکی نوێ دێت.
عەبدوڵڵا ئۆجەلان لە 27ی شوباتی ئەمساڵ، داوای لە پەکەکە کرد لە ڕێگەی پەیامی مێژوویی "ئاشتی و کۆمەڵگەی دیموکراتیک"ەوە چەک دابنێت. دوابەدوای ئەو بانگەوازە، پەکەکە لە نێوان ٥-٧ی ئایار کۆنگرەی خۆی بەست و ئەمڕۆش هەڵوەشاندنەوەی خۆی و دانانی چەکی ڕاگەیاند.
ئەم بڕیارە بۆتە پرسێکی جیهانی. هەروەها لە لایەن ئەمریکاوە سەبارەت بەو پرسە بەیاننامەیەک بڵاوکرایەوە.
باڵیۆزخانەی ئەمریکا لە ئەنقەرە بەیاننامەیەکی بڵاوکردەوە و ڕایگەیاند: بڕیاری هەڵوەشاندنەوەی پەکەکە سەردەمێکی نوێیە.