شارپرێس:

دوای لێدوانەکانی سەرۆکی فەرەنسا لەبارەی دۆخی غەززە، بنیامین ناتانیاهۆ هێرشی توندی دەکاتەسەر و دەڵێت " ئیمانوێل پاڵپشتی لە تیرۆر دەکات ".

نوسینگەی ڕۆژنامەوانی بنیامین ناتانیاهۆ، سەرۆک وەزیرانی ئیسرائیل لەڕاگەیەنراوێکدا ئاماژەی بەوەکرد،" جارێکی دیکە ماکرۆن پاڵپشتیکردنی رێکخراوێکی تیرۆریستی [حەماس]ی هەڵبژارد و دوبارە پڕوپاگەندە درۆکەی وتەوە، کە ئیسرائیل بە ئەنجامدانی تاوان تۆمەتبار دەکات ".

ئەوەشیخستەڕوو، ماکرۆن داوای خۆبەدەستەوەدانی ئیسرائیل و پاداشتکردنی تیرۆر دەکات، بەڵام ئیسرائیل نەڕادەوەستێت و نە خۆی بەدەستەوە دەدات.

بنیامین ناتانیاهۆ باسی لەوەشکرد، تاکو هەموو ئامانجەکانی جەنگی ئیسرائیل بەدی نەهێنن، کە بریتییە لە ئازادکردنی سەرجەم بارمتەکان و شکستهێنان بەحەماس لەڕوی سەربازی و حکومییەوە، هێرشەکانیان ڕاناگرن و دەبێت دڵنیایی بدرێت کە چیتر غەززە هەڕەشە بۆ سەر ئیسرائیل دروست ناکات.

پێشتر، ئیمانوێل ماکرۆن، سەرۆکی فەرەنسا لەچاوپێکەوتنێکدا ڕایگەیاندبوو، ئەوەی ئیسرائیل بەرامبەر خەڵکی سڤیلی غەززە قوڵنەکراو و شورەییە.