شارپرێس:
بەبڕیاری وەزارەتی دارایی عێراق 150 هەزاری دەرماڵە بۆ مامۆستایانی هەرێم خەرجدەکرێت.

ئەحمەد گەرمیانی، سەرۆکی یەکێتی مامۆستایانی کوردستان ئاشكرایكرد، بەپێی ڕێنماییەکانی وەزارەتی دارایی عێراق، زیادکردنی 150 هەزاری دەرماڵە مامۆستایانی وەزارەتی پەروەردەی هەرێمیش دەگرێتەوە.

ئاماژەی بۆ ئەوەشكرد، موچەی مامۆستایان لەلایەن حکومەتی عێراقە دابیندەکرێت و ئەگەر ڕێککەوتنی حکومەتی عێراق و حکومەتی هەرێم لەبارەی پرسی موچەو نەوت بەردەوام بێت، ئەوا ئەو بڕە پارەیە بۆ هەرێمیش خەرج دەکرێت.

جەختیش دەكاتەوە، بڕیارە خەرجکردنی ئەو دەرماڵە زیادەیەی کە بڕەکەی 150 هەزار دینارە، لەچوارچێوەی “بودجەی ساڵی 2026″ـدا بۆ مامۆستایان و فەرمانبەرانی پەروەردە خەرج بکرێت.