شارپرێس:
دادگای پێداچوونەوەی ئەنکەرە بڕیاری لەسەر دۆسیەی کۆنگرەی جەهەپە دەرکردو کۆنگرەکەی هەڵوەشاندەوە.
دادگا بڕیاریدا کە ئۆزگور ئۆزێل سەرۆک و سەرکردایەتی پارتەکە وەک ڕێکارێکی کاتی دووربخرێنەوە و کەمال کلیچدارئۆغڵو سەرۆکی پێشوو و سەرکردایەتییەکەی دەستبەکاربنەوە.
٣٨ەمین کۆنگرەی ئاسایی جەهەپە لە ٤-٥ی تشرینی دووەمی ٢٠٢٣ بەڕێوەچوو، بۆ هەڵوەشاندنەوەی ئەم کۆنگرەیە داوای یاسایی تۆمار کرابوو.
لە لایەکی ترەوە پەیامێک لە جەهەپەەوە بۆ هەموو ئەندامانی حیزبەکە نێردرا.
لە پەیامەکەدا بانگەوازی لە ئەندامانی حزب کراوە و تێیدا هاتووە؛ "ئێمە لەسەر بانگەوازی سەرۆکی گشتیمان ئۆزگور ئۆزێل، سەرجەم ئەندامانی پارتەکەمان و سەرجەم ڕێکخراوەکانمان بانگهێشتی بارەگای گشتیمان دەکەین".
چاوەڕێدەکرێت جەهەپە هەڵوێستی تووند بەرامبەر ئەم هەنگاوەی دەوڵەتی تورکیا نیشان بدات و گرژی و ئاڵۆزی لێ بکەوێتەوە.