شارپرێس:
فراكسیۆنی یەكگرتوو لەپەرلەمانی كوردستان دەڵێت، بەشداری لەكۆبوونەوەی سبەی پەرلەمانی كوردستاندا ناكەن بەهۆی ئەوەی كۆدەنگی لایەنەكانی لەسەر نییە.
فراكسیۆنی یەكگرتوو لەڕاگەیەندراوێكدا ڕونیكردەوە لەماوەی دوو ساڵی ڕابردوودا داوای كاراكردنەوەی پەرلەمانی كوردستانیان كردووە و بۆ ئەوەش هەوڵ و دەستپێشخەرییان بووە، بەڵام بەكۆدەنگی لایەنەكان.
ڕاشیگەیاند، بەشداری ناكەن لەكۆبوونەوەكەی سبەی پەرلەمانی كوردستان بەهۆی نەبوونی كۆدەنگی لایەنەكان.
پەرلەمانی كوردستان هەفتەی ڕابردوو كاراكرایەوە لەلایەن فراكسیۆنی پارتی و هاوپەیمانەكانیەوە، بەڵام یەكێتی نیشتمانی كوردستان لەكاردانەوەدا بڕیاری كشانەوەی لە حكومەتدا و ئۆپۆزسیۆنیش بایكۆتی كۆبوونەوەكانی كرد.