شارپرێس:

مەسرور بارزنی سەرۆکی حکومەتی هەرێمی کوردستان سەرەخۆشی لە کەسوکاری قوربانییانی لافاوەکەی هەولێر دەکات.

نوسینگەی سەرۆکی حکومەتی هەرێمی کوردستان لەڕاگەیەنراوێکدا ئاماژەی بەوەکرد،" پاشنیوەڕۆی ئەمڕۆ یەکشەممە 11/8، مەسرور بارزانی، سەرۆکی حکومەتی هەرێمی کوردستان، لە ڕێگەی پەیوەندیی تەلەفۆنییەوە، پرسە و سەرەخۆشی لە بنەماڵە و کەسوکاری قوربانییانی لافاوەکەی شەوی ڕابردوی شاری هەولێر، خوالێخۆشبوان محەمەد ڕەسول و مستەفا سەرکەوت کرد و هاوخەمیی قوڵی خۆی پێگەیاندن ".

ئەوەشخراوەتەڕوو، هەروەها پارێزگاری هەولێر ئومێد خۆشناو، بە نوێنەرایەتیی سەرۆکی حکومەت، بەشداریی لە هەردوو پرسەکەدا کرد و سەرەخۆشی لە بنەماڵەی کۆچکردوان کرد.