بەها ئەعرەجى: ئەو چەکانەى تەقینەوە هى وڵاتێکى دراوسێ بوون

عیراق

13/08/2019‌ 981 جار خوێندراوه‌ته‌وه

شارپرێس:
سەرکردەیەکى رەوتى سەدر رایدەگەیەنێت ئەو چەک و تەقمەنییانەى لە کۆگاکەی بەغدا تەقینەوە هى وڵاتێکى دراوسێ بوون.

بەها ئەعرەجى سەرکردە لە رەوتى سەدر لە تویتێکدا لە تۆڕى کۆمەڵایەتى تویتەر رایگەیاندوە، لەدواى کوژاندنەوەى ئاگرى کۆگاى چەک و تەقەمەنى سەقر دەرکەوت ئاگرکەوتنەوەکە ئاسایی نەبووە، چونکە حەشدى شەعبى و هێزەکانى تر بەکاریان نەهێناوە.

ئاشکراشى کردوە، ئەو چەکانەى لە کۆگاکەدا بوون هى وڵاتێکى دراوسێ بوون و بە ئەمانەت لاى ئێمە بوون، بەڵام لەلایەن وڵاتێکى داگیرکەرى ستەمکارەوە تەقێنرانەوە.


پێشتریش عادل كه‌رعاوی، وته‌بێژی میلیشیای "ئه‌نساروڵڵا ئه‌وفیا" كه‌ میلیشیاكه‌ به‌شێكه‌ له‌ حه‌شدی شه‌عبی ڕایگه‌یاند بوو، ته‌قینه‌وه‌ی كۆگایه‌كی چه‌ك و ته‌قه‌مه‌نی حه‌شدی شه‌عبی له‌ به‌غدا به‌هۆی بۆردوومانی فڕۆكه‌یه‌كی ئه‌مریكییه‌وه‌ بووهە.

شه‌وی رابردوو كۆگایەكی چەك و تەقەمەنی حەشدی شەعبی لە سەربازگەی سەقری ناوچەی دۆرەی باشووری بەغدا تەقییەوه‌ و ژماره‌یه‌ك برینداری لێكه‌وته‌وه‌و بەهۆیەوە ١٣ کەس بریندار بوون.
س.هـ